အပြစ်ကင်းတဲ့ ပန်းပွင့်လေးတွေ

ကျွန်မအချစ်ဆုံးအရာကိုပြောပါဆိုရင် ပန်းလေးတွေပဲ
မွှေးရနံရှိတဲ့ပန်းပွင့်လေးတွေပဲဖြစ်ဖြစ် မွှေးရနံ့မရှိတဲ့ပန်းလေးတွေပဲ ဖြစ်ဖြစ် ပန်းမှန်ရင် အပြစ်ကင်းပြီး သိပ်ချစ်စရာကောင်းတယ်
သစ်ရွက်စိမ်းစိမ်းလေးတွေ ပန်းပွင့်လေး ပန်းဖူးလေးတွေတွေ့ ရင် ကျွန်မစိတ်ထဲ အရမ်းကြည်နူးတာပဲ ပန်းမြင်ရင်မခူးချင်ဘူး
အပင်ပေါ်မှာပဲ လန်းဆန်းနေတာမြင်ချင်တယ်

ကျွန်မအခန်းလေးက ၀ရံတာအုတ်ခုံတန်းလေးပေါ်မှာ စံပယ်ပင်အုပ်အုပ်လေးတွေကို အိုးသေးသေးလေးတွေနဲ့ စိုက်ထားတာရှိတယ်..အသက်ရူကျပ်ပြီး စိတ်ထဲမွန်းကျပ်လာရင် အဲ့စံပယ်ပင်စိမ်းစိမ်းလေးတွေကို ငေးကြည့်ရတာ ခံစားချက်က အရမ်းကောင်းတယ်.


စံပယ်အိုးပုတ်ပွင့်လေးတွေက ပွင့်လာရင် နှင်းဆီပန်းပွင့်လောက် ပွင့်ဖူးကြီးနဲ့ 
ပွင့်ဖတ်လွှာက အထပ်ထပ်နဲ့  ညအချိန်ဆို စံပယ်မွှေးနံ့လေးက မွှေးအီနေတာပဲ...
လူ့စိတ်ကို တော်တော်လန်းဆန်းစေတယ်

နှင်းဆီပွင့်သေးသေးလေးတွေလဲ အိုးလေးနဲ့ စိုက်ထားတယ် နီတာရဲလေးသေးသေးလေးတွေ အစိမ်းရောင်သစ်ရွက်လေးတွေကြားမှာ ဟိုတစ်ပွင့် ဒီတစ်ပွင့်ပွင့်နေတာ သိပ်ချစ်ဖို့ ကောင်းတာပဲ

ကျွန်မတို့ အိမ်ရှေ့ မှာစိုက်ထားတဲ့ နောက် ဇီဇ၀ါလို့ ခေါ်တဲ့ ပွင့်ဖတ်လွှာဖြူဖြူလေးတွေနဲ
ပန်းပွင့်လေးကိုလဲ သိပ်ချစ်တာပဲ သူ့ အနံ့ကလဲ အရမ်းမွှေးတယ်..
မိုးတွင်းဆိုအရွက်စိမ်းစိမ်းစိုစိုတွေကြားမှာပန်းတွေက ပြုံပြီးကို ပွင့်တာ ဖြူဖွေးနေတာပဲ..

သစ်ခွပန်းပွင့်လေးတွေကျတော့ စတိုင်လ်တစ်မျိုး ခပ်မော့မော့ပဲ သူကရနံ့ တော့ မရှိရှာဘူး ဒါပေမယ့် သစ်ခွပန်းလေးတွေက သိပ်လှတယ် သစ်ခွပင်ထိပ်မှာ ခပ်မော့မော့ပွင့်ကားနေတဲ့ ပွင့်ဖတ်လွှာတွေက သိပ်မာလွန်းတယ် ပန်းဖူးတွေကအစ အရမ်းလှလွန်းတဲ့သစ်ခွတွေဆို ချစ်စရာကောင်းလိုက်တာမှ လှပုံကိုက စတိုင်လ်ကျလွန်းလို့ ရင်သပ်ရူမဆုံးနိုင်အောင်ပဲ..
ကျွန်မဆီမှာ ခရုခွံလေးတွေစိုက်ထားပြီး ကြိုးနဲ့ဆွဲထားတဲ့ ပန်းခရမ်းရောင်သစ်ခွပန်းလေးတွေရှိတယ်

ပန်းတွေထဲမှာ စိတ်လူပ်ရှားစရာအကောင်းဆုံးပန်းကတော့
ပူပြင်းလောင်ကျွမ်းလွန်းတဲ့ နွေရာသီမှာမှ အတိအကျပွင့်တဲ့ ပိတောက်ပန်းလေးတွေ
သူက တစ်ပွင့်ချင်းဆို သိပ်သေးလွန်းတယ် အခိုင်လိုက်ပွင့်တဲ့ပန်း သိပ်လှတဲ့ပန်းပေ့ါ

မိုးစက်လေးတွေ တစ်ပေါက်နှစ်ပေါက်ထိပြီဆိုရင်ကို ရနံရူရိူက်မိတာနဲ့ကို
ဟယ်..ပိတောက်ပန်းတွေ ပွင့်နေပြီလို့ မှန်းဆနိုင်တယ် အ၀ါရောင်အဆုတ်လိုက်
အခက်လိုက်မြင်လိုက်တာနဲ့ကို ပိတောက်တွေတော့..ဆိုပြီး ခုန်ပေါက်မြူးထူးသွားအောင် စိတ်လူပ်ရှားမူပေးတဲ့ပန်းပဲ ကျွန်မသိပ်ချစ်တဲ့ပန်းထဲမှာပါတယ်။။

ခရေပွင့်လေးတွေ လှပုံကကျတော့ တစ်မျိုး ကပိုကရိုလေး
အညိုရောင်မိူင်းမိူင်းပန်းပွင့်လေးရဲ့အလယ်မှာ ဖူးဖူးလေးငုံနေသေးတဲ့
ချစ်စရာပန်းသေးသေးလေး မွှေးလို့  ညှီတောင်နေတယ်လို့ ပြောယူရတဲ့
ပန်းရနံသင်းသင်းလေးပိုင်ဆိုင်ထားတဲ့ အဲ့ခရေပန်းပွင့်လေးတွေကို
ကျွန်မကတော့ စာအုပ်ကြားထဲ ညှပ်တာ ၀ါသနာပါတယ်။။

ရေကန်စပ်က ကြာဖူးကြာငုံ ကြာစွယ်တွေကလဲ သိပ်လှတာပဲ
အပြားလိုက် အ၀ိုင်းလိုက် အစိမ်းရောင်ကြာရွက်အပြားကြီးတွေ အလည်မှာ ခပ်စွင့်စွင့်ပွင့်တဲ့ပန်း.
.ကြာပန်းလေးကလဲ ရေပြင်ပြာညို့ ညို့ ရဲ့ အစိမ်းရောင်ကြာဖတ်တွေအလယ်မှာမှ.
ပွင့်ဖတ်လွှာတွေ ဖြာပြီး ပွင့်နေရင်ကို သိပ်လှတဲ့ပန်း.
ကြာပန်းကလှသလောက်.ကြာဖူးဆံကတော့ သိပ်စားကောင်းတယ်
ကျွန်မဆို ကြာဖူးလေးတွေတွေ့ တာနဲ့ အငမ်းမရစားတာပဲ
ကြာဖူးလေးထဲက ကြာစေ့လေးကို အခွံလေးကိုခွဲ
အလည်က အစိမ်းရောင် အဖူးလေးကိုဖယ်ပြီး
ဘေးက ကြာဖူးအဆံဖြူဖြူလေးတွေက စားရတာ သိပ်ဆိမ့်နေတာပဲ .

ပန်းလေးတွေအကြောင်းပြောရရင် ကုန်နိုင်ဖွယ်မရှိဘူး
ပန်းဆိုရင် ချဉ်ပေါင်ပန်းပွင့် ကန်စွန်းရွက်ပန်းပွင့် ခွေးသန်းပန်းပွင့်လေးတွေကအစ သိပ်ချစ်ဖို့ ကောင်းတယ်....နောက်ဆုံး ဘိန်းပန်းပွင့်လေးတွေက အစ သိပ်လှတယ်ဆိုတာ မငြင်းနဲ့နော်..

ပန်းပွင့်လေးတွေက တကယ့်ကို ချစ်ဖို့ ကောင်းပြီး အပြစ်ကင်းတယ်လို့ ကျွန်မပြောတော့
ပန်းချစ်သူ ပျားလေးကတော့ ခပ်မဲ့မဲ့ပြုံးတယ် ပန်းမှာ မာယာတွေရှိတယ်တဲ့
ပိတုန်းလေးကလဲပြောပြန်တယ် ပန်းမှာ ရှိတဲ့မွှေးရနံကြောင့်တော့ မဟုတ်ပါဘူးတဲ့
ဒါပေမယ့် သူလဲ အနားကမခွာနိုင်အောင်ကို တ၀ဲလည်လည်နဲ့ပါတဲ့

ကျွန်မလေးက ဖြတ်သွားတဲ့ အေးအေးငြိမ့်ငြိမ့်လေး ဖြတ်သန်းသွားတဲ့ လေညှင်းလေးကတော့ သဘောတူတယ်
ပန်းပွင့်လေးတွေရဲ့မွှေးရနံ့တွေက အဝေးက တိုက်ခတ်လာရတဲ့သူ့ ရင်ကို အမောပြေအေးမြစေလိုက်တာတဲ့

ပန်းပွင့်လေးက ဘယ်ညာယိမ်းပြီး ခပ်ဖွဖွရယ်တယ် ကျွန်မကို ခပ်တိုးတိုးလေးပြောတယ် ပျားလေးတွေ ပိတုန်းလေးတွေ သူ့အနားက မခွာနိုင်တာ သူရဲ့ဝတ်ရည်ချိုမြမြတွေကို အငမ်းမရ သောက်သုံးချင်တာ တစ်ခုတည်းပါတဲ့

ကျွန်မအတွက်တော့ ဘ၀မှာ တစ်စိမ့်စိမ့်ကြည့်ပြီး ကြည်နူးချင်စရာကောင်းတဲ့
တစ်ခုတည်းသော အရာက ပန်းပွင့်လေးတွေပါ။။။

တကယ်တော့ တကယ့်ကို ပန်းလေးတွေကပဲ အပြစ်ကင်းပါတယ်။