မဟာချိုင်က မဟာဆွမ်းကြီးလောင်းအလှူပွဲ

သီတင်းကျွတ်ပြီ ဆိုတဲ့ အသံကြားတာနဲ့ စိတ်ထဲမှာ အလိုလို ပျှော်ရွှင်မြူးထူး စိတ်တွေ ပေါ်လာတယ်။ ခြိမ့်ခြိမ့်သဲ ဆင်နွှဲလေ့ရှိတဲ့ မီးထွန်းပွဲတွေ အလှူ အတမ်းတွေ ပွဲလမ်းသဘင်တွေ သစ်သစ်လွင်လွင် အ၀တ်အစားတွေ ၀တ်ဆင်ပြီး လူကြီးမိဘ ဆရာသမား အမိအဘ အဘိုးအဘွား တွေကို ကန်တော့ပစ္စည်းလေးတွေ သယ်ပြီး ကန်တော့ကြတာ မြန်မာရိုးရာအစဉ်အလာ ထုံးတမ်း ဓလေ့ကို မျက်စိထဲမှာ မြင်ယောင်မိတယ်၊

ထိုင်းနိုင်ငံမှာ မြန်မာရွှေ့ပြောင်းအလုပ်သမားသိန်းချီနေထိုင်တဲ့ မဟာချိုင်ဆိုတဲ့မြို့လေးဆီကို မနက် ၇နာရီ လောက် ကတည်းက သွားချင်တဲ့ သူငယ်ချင်းတွေနဲ့စုပြီး ဘန်ကောက်မြို့ကနေ တောင်းအေ့စ် ကားလေးနဲ့ ၄၅မိနစ်လောက် မောင်းပြီး ချီတက်ခဲ့ကြပါတယ်။ တစ်ယောက်ကို ဘတ်ငါးဆယ်စီပဲကျပါတယ်။ ထိုင်းနိုင်ငံရဲ့ ရေထွက်ပစ္စည်း လေးဆယ်ရာခိုင်နူန်း ထုတ်လုပ်ရာ ရေလုပ်ငန်းမြို့တော်လေးဖြစ်တဲ့ မဟာချိုင်မြို့ ထဲကို ၀င်လိုက်ပြီဆိုတာနဲ့ ငါးနံ့ ပုဇွန်နံ့ ပင်လယ်ရေညှီနံ့တွေက သိသိသာသာ ရနေပါပြီ။ လမ်းတလျောက် သစ်လွင်တောက်ပတဲ့ မြန်မာပုဆိုးတွေ မြန်မာလုံချည်လေးတွေ ၀တ်ဆင်ထားတဲ့ မြန်မာတွေကိုလည်း လမ်းပေါ်မှာ ဟိုဟိုဒီဒီ လမ်းသလားနေကြတာ တွေ့နိုင်ပါတယ်။ကားပေါ်က မဆင်းခင်မှာပဲ အသံချဲ့စက်ကနေ တဆင့် အလှူခံမဏပ်က အလှူခံက မြန်မာလို စီကာပတ်ကုံး ပါဠိလိုရော မြန်မာလိုရော ဆုတောင်းနေတဲ့အသံကို အတိုင်းသား ကြားနေရပါတယ်။ မြင်လိုက်ရတဲ့ မြင်ကွင်းမှာ ရုတ်တရက် တကယ့်ကို မှင်သက်သွားမိပါတယ်။ နီညိုရောင်သင်္ကန်းဆင်မြန်းထားတဲ့ မြန်မာရဟန်းတော်တွေကို မြန်မာဝတ်စုံအပြည့်ဝတ်ထားတဲ့ မြန်မာလူမျိုးတွေက လှူဖွယ်ပစ္စည်းတွေကို တရိုတသေနဲ့ လောင်းလှူနေကြတဲ့ မြင်ကွင်းပါရှင်။ ရွှေဝါရောင်သင်္ဃန်းဆင်မြန်းထားတဲ့ ထိုင်းသံဃာတော်တွေလဲ ပါဝင်ပါတယ်။ကျွန်မရင်ထဲ ၀မ်းသာ ၀မ်းနည်းစိတ်နဲ့ ရုတ်တရက်ဆို့တက်သွားပါတယ်။ ထိုင်းဘက်ကို ရောက်ကတည်းက အခုလို မြန်မာသံဃာတော်တွေနဲ့ မြန်မာလူမျိုးတွေ မြန်မာ့ရိုးရာဓလေ့ထုံးစံအတိုင်း အလှူ ကျင်းပနေတာ ဒါပထမဆုံး မြင်ခွင့်ရလိုက်တာပါပဲ။ သံဃာတော်တွေရဲ့ နံဘေးမှာ ၀ပ်ဟုံ ကာလသား ကာလသမီးအဖွဲ့ လူငယ်အဖွဲ့ စတဲ့ အဖွဲ့လေးတွေရဲ့ နံမည်တွေကို မြန်မာစာလုံးနဲ့ရေးထားတဲ့ တီရှပ်အဖြူတွေ ရှပ်အကျီ အဖြူလေးတွေနဲ့ ပုဆိုးမိုးပြာရောင် လေးတွေ ဆင်တူဝတ်ထားတဲ့ မြန်မာလူငယ်လေးတွေကို သနပ်ခါးအဖုံသား အုန်းဆီအရွှဲသားနဲ့ တွေ့လိုက်ရပါတယ်၊
စေတီတော်ပတ်ပတ်လည်မှာ မြန်မာ့ရိုးရာ ချိတ်လုံချည်လေးတွေ ဆင်တူဝတ်ဆင်ထားတဲ့ သနပ်ခါး ပါးကွက်ကြားနဲ့ မိန်းမပျိုလေးတွေ။ ပါတိတ်ဝမ်းဆက်လေးတွေကို သပ်သပ်ရပ်ရပ် ချပ်ချပ်ရပ်ရပ်ဝတ်ထားတဲ့ မိန်းမလှလေးတွေ။ ဆံပင်ရှည်လေးတွေကို အကုန်ဖြန့်ချပြီး လှချင်တိုင်းလှနေတဲ့ မြန်မာအမျိုသမီးလေးတွေရဲ့ အလှကို မနက်ခင်းနေရောင်အောက်မှာ တော်တော်လေးကို ကျက်သရေမင်္ဂလာရှိစွာနဲ့ မြင်လိုက်ရပါတယ်။ ဘီးဇပတ်ဆံထုံးအကြီးတွေနဲ့ မြန်မာအမျိုးသမီးကြီးတွေ အဒေါ်အရွယ် အဘွားအရွယ် သက်ကြီးရွယ်အိုတွေကိုလည်း ပါတိတ်ဝမ်းဆက်တွေ ချိတ်လုံခြည် ၀မ်းဆက်ကိုယ်စီနဲ့ လှချင်တိုင်း လှနေတာတွေကိုလည်း တွေ့ခဲ့ရပါတယ်၊

စေတီတော်ဝင်းပတ်ပတ်လည်မှာ အကျီအဖြုရောင် ရင်ဖုံးလေးတွေနဲ့ ယောဂီလုံခြည်လေးတွေ ၀တ်ဆင်ထားတဲ့ မြန်မာဝတ်အဖွဲ့ကလည်း နောက်ခံကနေ မေတ္တာပို့ရွတ်ဖတ်သံတွေကလည်း တကယ့်ကို ကျက်သရေ မင်္ဂလာရှိနေပါတယ်။ ရွှေရောင်ဝင်းတောက်နေတဲ့ ထီးတော်ပါတဲ့ မြန်မာ့စေတီပုံစံ စစ်စစ် ဆုတောင်းပြည့် စေတီတော်ဝင်းကြီး တစ်ခုလုံးမှာ မြန်မာလူမျိုးတွ လူပ်လူပ်ရွရွ လျောက်သွားနေကြတာတွေ တစ်ဦးချင်း အလှူရှင်တွေရဲ့ ရေခဲမုန့် အုန်းနို့ရည် နှို့အေး ဖာလူဒါ ထားဝယ်မုန့်ဟင်းခါး မြန်မာ့မုန့်ဟင်းခါး စတာတွေကို လိုက်ခံကျွေးမွေးနေတဲ့ လူငယ်လေးတွေ လာလှူတဲ့ အလှူရှင်တွေရဲ့ နံမည်ကိုခေါ်ပြီး အာဝဇွန်းရွှင်ရွှင်နဲ့ အလှူခံရဲ့ ဆုတောင်းနေတဲ့အသံ ဆွမ်းကြီးလောင်းအဖွဲ့ရဲ့ အိုးစည်ဒိုးပတ် တီးခတ်နေတဲ့အသံတွေ တကယ့်ကို မြန်မာပြည်ကို ပြန်ရောက်နေသလို ခံစားလိုက်ရပါတယ်။အိုးစည်ဒိုးပတ်နဲ့ မြိုင်မှ မြိုင်စေတီတော်ရဲ့ နောက်ဘက်ကို ပတ်လျောက်လိုက်တဲ့အခါမှာတော့ လားလား...ချွေးသံတစ်လုံးလုံးနဲ့ အိုးကြီး အိုးငယ်တွေရဲ့ ချက်ပြုတ်နေတဲ့ လုပ်အားဒါန လှူနေတဲ့သူတွေ အချပ်လိုက် အထပ်လိုက် ပါးကန်တွေကို ဇလားကြီးတွေချပြီး ဆေးကြော်နေတဲ့ ပုဆိုးတိုတို လုံခြည်တိုတို ၀တ်ပြီး အလုပ်လုပ်နေတဲ့ လူငယ်လေးတွေ မဏပ်ထိုးပြီး စားပွဲဝိုင်း တွေ စားပွဲဝိုင်းတွေနဲ့ ဆက်ပြီး လာသမျ လူမှန်သမျ အကုန်လုံး အတင်းခေါ်ကျွေးနေတဲ့ မြန်မာ့ရိုးရာ အစားအစာတွေနဲ့သာ ဧည့်ခံကျွေးမွေးနေတဲ့ ထမင်းဝိုင်းတွေကိုလည်း စားချင့်စဖွယ် ဖွယ်ဖွယ်ရာရာ ပြင်ဆင်ထားတာတွေ့ရပါတယ်။ အဲ့တာက ထားဝယ်ငါးပိထောင်း တို့စရာ အသီးအရွက်အစုံနဲ့ ငါးနီတူကို သုတ်ထားတာ ဟင်းချိုနဲ့ စားလို့ကောင်းမှကောင်းပဲ၊။မြင်ကွင်းကို ကြည့်ပြီး ရင်ထဲ တော်တော်ဝမ်းသာမိပါတယ်။ မြန်မာအလုပ်သမားတွေဟာ သူတို့တွေ ရဲ့ ပင်ပင်ပမ်းပမ်း ရှာထားတဲ့ ချွေးနည်းစာ အလှူဒါနအတွက် အကုန်ပြုံးပျော်ကြည်နူးနေလိုက်ကြတာဆိုတာ။ ကျွန်မတို့ မြန်မာပြည်မှာရော ဒီလို အလှူအတန်းတွေကို ထမင်းရည်ချောင်းစီး အလှူကြီး ပေးနိုင်ကြ သေးရဲ့လား ဆိုတာ တိတ်တိတ်လေး မေးခွန်းထုတ်မိတယ်။ထိုင်းနိုင်ငံက မြန်မာအလုပ်သမားတွေဟာ ပြည်တွင်းမှာရှိတဲ့ မိဘဆွေမျိုးတွေအတွက် ထောက်ပံ့ ပေးနေရုံမကဘူး မြန်မာနိုင်ငံမှာ ဖြစ်တဲ့ သဘာဝ ဘေးကပ်ဆိုက်တုန်းကလဲ နာဂစ်အလှူတွေအတွက် သီတဂူ ဆရာတော်ကြီးလို နောက် နာဂစ်ကူညီရေး စေတနာ့ရှင် အဖွဲ့တွေဆီကို သူတို့ရဲ့ချွေးနည်းစာတွေထဲက စားစရာ သောက်စရာ အ၀တ်ကပါမကျန် အလှူငွေတွေလဲ ဘတ်သိန်းချီပြီး တက်ညီလက်ညီနဲ့ လှူဒါန်းခဲ့တဲ့ သဒ္ဒါတရားတွေကို အံ့မခန်း ပြသခဲ့ပြီးဖြစ်ပါတယ်၊နေ့လည်ပိုင်းမှာတော့ ထိုင်းနိုင်ငံက ဘုရင့်တက္ကသိုလ်မှာ စာပေလာရောက်သင်ကြားနေတဲ့ မြန်မာစာသင်သား သံဃာတွေနဲ့ မြန်မာဘုန်းတော်ကြီးတွေကက မြန်မာလို အလှူရေစက်ချ တရားနာကြားကြပါတယ်။ ထိုင်းနိုင်ငံကို အကြောင်းအမျိုးမျိုးနဲ့ နေရာဒေသစုံက ရောက်ရှိလာပြီး လုပ်ငန်းခွင်အတွင်း မတော်တဆမူ ရောဂါ စတာတွေနဲ့ သေဆုံးသွားတဲ့ မြန်မာလူမျိုးတွေအတွက် အမျအတမ်းပေးဝေတာတွေလုပ်ခဲ့တဲ့အတွက် အမျှပေးဝေနေတဲ့အချိ်န်မှာ ကြက်သီးမွှေးညှင်း ဖြန်းဖြန်းထမိပါတယ်။
ထိုင်းမြေမှာ မြန်မာလူမျိုးတွေ ကိုယ့်ရိုးရာ အစဉ်အလာအတိုင်း ကြီးကျယ်ခမ်းနားလွန်းတဲ့ အလှူကြီး ကျင်းပခွင့်ရတာ အဲ့အလှူကြီးကိုလည်း ကိုယ်တိုင်ကိုယ်ကျ ပါဝင်ခဲ့ရတဲ့အတွက်လည်း တကယ့်ကို ၀မ်းမြောက်ဝမ်းသာဖြစ်လွန်းလို့ တကယ့်ကို သာဓုသုံးကြိမ်ခေါ်ပါတယ်ရှင်။

အခု ကျွန်မ ဘာဖြစ်လို့ အခုလို ထိုင်းနိုင်ငံ မြန်မာလူမျိုးတွေ ကိုယ့်ဝတ်စုံ ကိုယ့်ရိုးရာအတိုင်း လှူခွင့်ရှိတာကို ၀မ်နည်း ၀မ်းသာဖြစ်ရသလဲဆိုရင် အရင်ကဆို ထိုင်းအာဏာပိုင်တွေဘက်က အလှူပေးတဲ့အချိန်ကို စောင့်ဆိုင်းပြီး လာသမျ လူစောင့်ဖမ်းတာ မင်္ဂလာဆောင်လာတဲ့တောင် အတင်းပိတ်ဖမ်းဝင်ဖမ်း နယ်စပ်ပြန်သွန် အဲ့တာတွေ လုပ်ခဲ့တဲ့ ရာဇ၀င်တွေရှိခဲ့ဖူးပါတယ်။ ဒီနေ့မှာတော့ ထိုင်းရဲတွေက လုံခြုံရေးယူထားပေးတာ ကို ၀မ်းသာကြည်နူးစရာတွေ့ရပါတယ်။
(အမှတ်တရ ဓာတ်ပုံလေးတွေကို နေပူကြီးထဲမှာ အပင်ပမ်းခံပြီး လက်တည့်စမ်း အဲ့လေ လက်စွမ်းပြနိုင်ခဲ့တဲ့ ကျွန်မ ညီမလေး ပြည့်စုံ ကိုလည်း အထူးကျေးဇူးတင်ပါတယ်)

13 Comments:

kiki said...

ပြည်ပ ဘယ်နေရာရောက်နေ ရောက်နေ မြန်မာ ဟာ
မြန်မာပါဘဲ .. အလှူရေစက် လက်နဲ့ မကွာ ဆိုတဲ့ ချစ်စဖွယ် ဓလေ့ စရိုက်လေးကို ခုလို တက်ညီလက်ညီ ဆက်လက် ထိန်းသိမ်းထားနိုင်ကြတာ ဝမ်းသာစရာ ပါဘဲ နော် .....

ပြည်တွင်းမှာ ကျန်ရှိနေကြတဲ့ ကိုယ့်ပြည်သူ ပြည်သားများ မှာလည်း အခြေအနေ ပေး တဲ့  အခါ များမှာ တော့ လှူနိုင် တန်းနိုင် ကြ ပေမဲ့  အရင် လို ထမင်းရေချောင်းစီး ရလောက်အောင် ပေါပေါများများ မတွေ့ ရတော့တာ ကြာခဲ့ ပြီထင်ပါတယ် ။

နောင် မကြာခင် အချိန်များမှာ ဒီထက်မက တဲ့  အလှူကြီးတွေ ပေးနိုင်ကြ ပါ စေ လို့ ပဲ ဆုတောင်း နေရ တာပေါ့လေ ...

အပင်ပန်းခံ ရှိုးပြ အဲ.. ဖေါ်ပြ ပေးတဲ့ မဆုမွန် နဲ့  မပြည့်စုံ တို့ ကို ကျေးဇူးတင်ပါတယ်နော့ .....း)

may said...

အပင်ပန်းခံပြီး ရိုက်တဲ့သူကော ၊ ရေးပြီးတင်ပြပေးတဲ့သူကိုကော အရမ်းကျေးဇူးတင်မိပါတယ်..။ ပြည့်ပြည့်စုံစုံ ဖေါ်ပြပေးထား လို့ ဗဟုသုတလည်း ရသွားပါတယ်..။

မြူးသျှရီ said...

မရေ........
ခုလိုမှဝေပေးတဲ့ အတွက်ကျေးဇူးနော်
မဟာချိုင် ငယ်ငယ်ကရောက်ဖူးတယ်သိလား
ကျေးဇူးနော်...........မမ

MieMie said...

ညီမရေ..ဓါတ်ပုံတွေကြည့်ရတာ ဗမာပြည်ပြန်ရောက်သွားသလိုဘဲ...
နေပူထဲ အပင်ပန်းခံရိုက်တဲ့သူရော... ညီမဆုမွန်ရော ကျေးဇူးပါ...

mie nge

Craton said...

ဒါ တို့မြန်မာကွ..
မြန်မာလူမျိုးတို့ရဲ့ သဒ္ဓါတရားနဲ့ ဘာသားရေးအယူထက်သန်မှုက မွေးကတည်းက သွေးတွေနဲ့အတူစီးဆင်းလာခဲ့ပြီးသား..
ဒါ မြန်မာတို့ရဲ့ဗီဇ
ဒါ မြန်မာတို့ရဲ့ သီလ
ဒါ မြန်မာတို့ရဲ့ ဒါန....
သာဓု သာဓု သာဓုပါဗျာ
ကိုယ်တိုင်ပါဝင်ရသလို စီစဉ်ပေးတဲ့အတွက်
မဆုမွန်ကိုကျေးဇူးတင်ပါတယ်..

သူငယ်ချင်းချစ်သူ said...

မဆုမွန်
ကိုယ်ဟာ ဗမာအစားအစာနဲ့ ဝေးနေတာကြာခဲ့ပါပြီ။ ဗမာမရှိလို့ ဗမာဆိုင်လည်းမရှိပါဘူး။ ငါးနီတူသုပ် ၊ ထားဝယ်ငပိထောင်း နဲ့ တို့စရာအစုံအလင် တကယ် ပြောတာ ဖတ်ရင်းနဲ့ သွားရေကျလာတယ်။ စားချင် လိုက်တာ ။ ကိုယ်အမြဲတမ်းလာဖတ်တယ် ဒါပေမဲ့ တခါတလေဘဲ ကွန်မန့်ရေးဖြစ်တယ် ။

ကိုလူထွေး said...

ကိုယ်တိုင် ပင်ပင်ပမ်းပမ်း ရှာလို့ဖွေလို့ ရုန်းလို့ကန်လို့ရတဲ့ ငွေလေးနည်းနည်းထဲက စေတနာအပြည့်ထားလို့ အခုလို အများအတွက် တတ်နိုင်သလောက် ဖဲ့မျှပြီး လှူဒါန်းတာကိုမြင်ရတာ ကျော်ဂျာဂျီး... အဲ ပျော်စရာကြီး...

းဝ)

ADDRESSEE said...

ဒို့မြန်မာကွ

Nai ရဲ့  ရွှေရတုမှတ်တမ်း said...

သာဓု ပါခင်ဗျာ သာဓုပါ...
ကဲ..ကဲ ..အများကို..မုဒိတာ..ပွါးနိုင်အောင်..ရေးပြတဲ့
ငါ့တူမ..ကျန်းမာပါစေ..ချမ်းသာပါစေဗျာ

jr.lwinoo said...

မမဆုမွန်..
သူတို့တွေရဲ့ အလှူရော.. အမရဲ့ ဖြန့်ဝေပေးတဲ့ ဒါနကိုရော သာဓုခေါ်ပါတယ် အမ။
အနော်လေးပြောဆီကတော့ ကြားပီးဘီ။
ခုသေချာ ဓါတ်ပုံတွေနဲ့ပါ လာရောက် ခံစားသွားပါတယ်အမ။
ခင်တဲ့
ဂျူ

reenoemann said...

အမရေ တကယ်ကို ပျော်စရာကြီးပါဗျာ။

ဘန်ကောက်ကို လာလည်ရင် အမနဲ့ လာတွေ့မယ်နော်။

မသေချာသေးတဲ့ တစ်ရက်ပေါ့နော်။

ခင်တဲ့ မောင်လေး ရီနို

An Asian Tour Operator said...

ကွက်ကွက်ကွင်းကွင်းပေါ်အောင်ရေးတဲ့
ညီမကိုကျေးဇူးတင်ပါတယ်..

နှင်းဆီပန်းချစ်တဲ့ကောင်မလေး said...

တကယ်ကိုကြည်နူးမိပါတယ် မမရေ။
ပြည့်စုံရိုက်လို့ ပိုလှနေတာနေမှား)

ကိုရီနိုပြောသလို မမနဲ့လဲ တွေ့ချင်ပါသေးတယ်မမရေ။
တစ်နေ့နေ့ပေါ့နော်။