မြန်မာတို့ရဲ့ အကယ်ဒမီ.

ပရိတ်သတ်အများ ကြိုတင် ခန့်မှန်းထားသလိုပဲ ၂၀၀၉ ၂၀၁၀ မြန်မာ့အကယ်ဒမီပေးပွဲကြီးမှာ အကောင်းဆုံး အပြောင်မြောက်ဆုံး ဟာသသရုပ်ဆောင်ဆုနဲ့ လူကြမ်းဆုကို စာပေးတာတောင် မူနေဦးမည်နှင့် သံဃာသတ်သူများ ဇာတ်ကားဖြင့် သန်းရွှေ(နေပြည်တော်)မှ တစ်ဦးတည်း အပြတ်အသတ် ဆွတ်ခူး ရရှိသွားပါတယ်။ စာပေးတာတောင် မူနေဦးမည်နှင့် သံဃာသတ်သူများ ဇာတ်ကားဖြင့် ပင် အကောင်းဆုံး ဒါရိုက်တာဆုနဲ့ ခေါင်းဆောင် မင်းသမီးဆု ကို ဒီပဲရင်းနယ်မှာ သွားရောက်ရိုက်ကူးခဲ့တဲ့ လူကိုခွေးကိုက်ခြင်း ဇာတ်ကားဖြင့် အကယ်ဒမီဆု ရခဲ့ဖူးတဲ့ ကြိုင်ကြိုင် (နေပြည်တော်)မှလည်း ပူးတွဲ ဆွတ်ခူးသွားတာ ဖြစ်ပါတယ်။

ခေါင်းဆောင် မင်းသားဆုကို ချစ်လွန်းလို့ ဖိနပ်စာကျွေးလိုက်သည် နိုင်ငံတကာတန်းဝင် ဇာတ်ကားဖြင့် သိန်းစိန် (နေပြည်တော်)၊ ဇာတ်ပို့ မင်းသားဆုကို မုသာဝါဒ အတင်းစာ ရှင်းလင်းပွဲ ဇာတ်ကားဖြင့် ကျော်ဆန်း (နေပြည်တော်)၊ ဇာတ်ပို့မင်းသမီး ဆုကို ဓာတ်ကြိုးကို မောင်ကိုင်ပါ့မယ် ဇာတ်ကားဖြင့် ၀တ်မူန်ရွှေရည် (နေပြည်တော်)နဲ့ ...
အကောင်းဆုံး ရုပ်ရှင်ဇာတ်ကား ဆုကတော့ 2010 election အကြောင်းကို အခြေခံ ရိုက်ကူးတဲ့ end of the SPDC military rule in Burma ဖြစ်ရပ်မှန် သတင်းဇာတ်ကားပဲ ဖြစ်ပါတယ်။

အကောင်းဆုံး စက်ပိုင်း ဆိုင်ရာဆုကိုတော့ မြန်မာအင်တာနက်နှင့် ဘက်ဘုန်းပြသနာ ဇာတ်ကားမှ ကျွမ်းကျင်ပညာရှင် မြန်မာအင်ဖိုတက်ခ်က ဆွတ်ခူးရရှိပါတယ်ရှင်။


အကယ်ဒမီပေးပွဲကို ဒဗလျူ ဒဗလျူဒေါ့ဖ် အမ်အမ်တီဗီဆလပ် ဖရီးလင့်ကနေ မဆုမွန်တစ်ယောက် အင်တိုက် အားတိုက် တိုက်ရိုက်ကြည့်ရူ့အားပေးခဲ့ပြီး ဖေ့စ်ဘွတ်ခ်နဲ့ ဂျီတော့ခ်မှ တိုက်ရိုက်လေလိူင်း အစီအစဉ်နဲ့ တင်ပို့ခဲ့ပါတယ်။ ပွဲအစပိုင်းမှာတော့ ဒဗလျူ ဒဗလျူဒေါ့ဖ် အမ်အမ်တီဗီဆလပ် ဖရီးလင့်ကနေ တဆင့် အဆင့်ဆင့် ဖြတ်ကျော်ပြီး ၀င်ရောက်အားပေးခဲ့ရာ ရုတ်တရက် ညာဘက်ထောင့်စွန်းမှာ ရှိနေတဲ့ ဆီဘောက်စ်ဆဲပွဲသဘင်ကြီးကိုပါ တစ်ပါတည်း ကြည့်ရူ့အားပေးခွင့်ထူးကြီးကိုလည်း ရရှိခဲ့ပါတယ်။

အကယ်ဒမီပေးပွဲကြိးထက် ဘေးပွဲက ပိုအင်အားကောင်းလာတဲ့နောက် မနေမနား ရေတောင်မသောက်အားပဲ တပျော်တပါး အကြိတ်အနယ် ဆဲပွဲသဘင်ကြီးကို ကျင်းပနေသည် ကိုလည်း မျက်စိမူးလောက်အောင် တပြိုင်နက် အချိန်နဲ့တပြေးညီ ကြည့်ရူအားပေးခွင့်ရခဲ့ပါတယ်။

နာရီနဲ့ချီပြီး တစ်ဗိုလ်တက် တစ်ဗိုလ်ဆင်းစနစ်နဲ့ ပ၀ါမကူ ရေမရူစတမ်း အကြိတ်အနယ် ဆဲဆိုကြိမ်းမောင်းနေမူ တောင်းပန်တိုးလျိုးနေမူ မြန်မာ့ဂုဏ်ရည်ပြပုဒ်များကို လက်သီး လက်မောင်းတန်းပြီး အာပေါင်အာရင်းသန်သန် ကြွေးကြော်သံများ ကို အက်ဒမင်များမှာ အတန်ကြာ ကြည့်ကောင်း ကောင်းနဲ့ ကြည့်ရူ့ပြီးကာမှ နောက်ဆုံး ပရိတ်သတ်ရဲ့ အော်ဟစ်တားမြစ်သံများ အားပေးသံများ ကြောင့် ဒိုင်ပွဲရပ်နဲ့ ဆီဘောက်စ် ပိတ်လိုက်ပါတယ်။

အကယ်ဒမီသုံးသပ်ချက်များကတော့ လင်ယောက်ကျားနှစ်ဦးမှ တုတ်ဓား လက်နတ် ကိုင်ဆောင်ပြီ လူးလိမ့် သတ်ပုတ်ခြင်း၊ ဇနီးမယားများမှ ပုဆိုးမနိုင် ပ၀ါမနိုင် ရင်ဘတ်စည်တီး အော်ပြီး ငိုကြွေးခြင်း၊ အချင်းချင်း တွေ့သည်နှင့် ပြေးလုံးကြခြင်း၊ ချစ်သူများ ရန်အဖြစ်ကြမ်းခြင်း၊ ဇိမ်ခန်း မီးလောင်သကဲ့သို့ အ၀ီစိပွက်သလို ၀ိုင်းဝန်း အော်ဟစ်ကြခြင်း၊ အချင်းချင်း အအော်အငေါက်ကြမ်းခြင်း၊ လိုချင်လောဘ များခြင်ြး့ဖင့် ယောကျာ်းကို မသင်္ကာခြင်း၊ အလွန်အမင်း နိုင်ခြင်း မိန်းမကို အသေအကြေကြောက်ရခြင်း၊ ဖရုသ၀ါစာများကို အာပေါင်အာရင်း သန်သန်ဖြင့် ဆဲဆိုခြင်း ဥပမာ ဒီ ဟာမ အဲ့အကောင်မ ^%$#%&@@$# စသည် ချစ်ကြည်ရင်းနီးမူကို ပြသော ချစ်စဖွယ် ပီယ၀ါစာလေးများကို ရေလဲသုံးနူန်းခြင်း၊ ကိုယ်မွေးထားသော သားကို အသေသတ်ရန် ကြံစည်ခြင်း၊ အစ်မက ညီမကို ကြောက်မက်ဖွယ်မျက်နှာထားဖြင့်အော်ဟစ်သကဲ့သို့ ညီမက အစ်မကို နင်ပဲငါဆ ကြုံးဝါးခြင်း၊ မျက်စိက လင်းကွင်းလောက် ပါးစပ်က မိုးပြဲဒယ်လောက် အရူးလို ပြူးပြဲပြနေခြင်း လူအများ စီတန်းရပ်ပြီး တစ်ယောက်ပြီးမှ တစ်ယောက် စောင့်စားပြီး ပြောဆို ရယ်မောရခြင်း အပြိုင်အဆိုင် ငယ်သံပါအောင် အော်ဟစ်ရခြင်း များသည် မြန်မာတို့အကယ်ဒမီရ နိုင်သော အကွက်ကောင်းများ ဖြစ်လာလေသည်။

ထို့နောက်တွင် ကြေငြာအစီအစဉ်တွင်း ကြားညှပ်ထုတ်လွှင့်နေသော အကယ်ဒမီပေးပွဲကို ရပ်နားပြီး ပရိတ်သတ်ပြည်သူ အများ မျှော်လင့် စောင့်စားနေသော သတင်းအစီအစဉ်ကို ဆက်လက် ထုတ်လွှင့်ရာ "ပြည်တွင်းပြည်ပ ပကတိ အခြေအနေများကို အမျိုးသားရေးစိတ်ဓာတ်ဖြင့် ရူ့မြင်ရန် ပုံ သန်းရွှေ" ဆိုသော ကျောင်းသူ ကျောင်း သားများကို နှိပ်ကွပ်ဆုံးမနည်းအဆင့်ဆင့်ကို သိရှိစေရန်အလို့ဌာ ဆရာမများကို စစ်သင်တန်း ပေးသော သင်တန်းဆင်းပွဲတွင် အကြီးအကဲကြိးရဲ့ မွတ်ကြားချက်ကို လပ်တော့ပ်ကိုဖွင့်ပြီး မျက်နှာ ခပ်တည်တည်ကြီးများဖြင့်ဝါ ရုပ်တည်ကြီးများ အသံနေအသံထား အဖြတ်အတောက် ခိုင်မာတည်ကြည်စွာ ဖတ်ကြားကြပါသည်။

ထို့နောက် ၀န်ကြီးများရဲ့ လိုအပ်သည်များကို လှည့်လည်မှာကြား စားသုံးမူများကို တင်ဆက်ပြီးနောက် လေလိူင်းပေါ်မှာ လူသတ်သမားများဖြစ်သော ပြည်ပနိုင်ငံများမှ ခလောက်ဆံအကောက်ကြံနေသူများ ဝေသာလီပုဏားများဟု အသံအောအောကြီးများဖြင့် စွတ်စွဲ ကြိမ်းမောင်း ခြိမ်းခြောက်ပါသည်။ ထို့နောက်တွင် ကား ရုရှနှင့် တရုတ် ကို အခြေခံသော နိုင်ငံတကာသတင်းများကို အံ့သြကုန်နိုင်ဖွယ် ယုံကြည်စိတ်ချဖွယ် ကမ္ဘာကျော် သတင်းဌာနစီစီတီဗီမှတဆင့် ကိုးကားကူးယူပုံတူချပြီး ကြေငြာသွားခဲ့ပါသည်။

ပြီတီတီ စူတူမူတူမျက်နှာပေးလေးများကို အစွမ်းကုန် အပြုံးပန်းလေးများ ပန်ဆင်ရင်း ဗန်းကိုင် ကတ်ကြေးကိုင် ပေးခဲ့ကြပါသော အကယ်ဒမီ ဗန်းကိုင်မမလေးများအာ့
မြန်မာဆန်ဆန်လေး ၀တ်ထားရင်း ဆုကြေညာမဲ့သူကို စာအိတ်လေးတွေကို ဒူးလေးညွှတ်ပြီးပေးလိုက် ဒူးလေးတွေကို ပြန်ဆန့်လိုက်နှင့် ကော့ကော့ ကန်ကန် အချိုးကျကျ ယိမ်းကကြခဲ့ကြပါသည်။ ထိုသို့ ပရိတ်သတ်ဘက်ကို လှည့်ပြီး ပြုလုပ်နေသည်များကို အဲဒါကလေ အကော့မတတ်ရင် ဆဲသလို ဖြစ်သွားသလားလို့။ ဘယ်လို သဘောရလဲဟင် ဟု စိုးရိမ်မကင်းစွာဖြင့် အင်တာနက်မှာ မျက်တောင်မခတ်အား အနီးကပ်ကြည့်ရူ့ အားပေးခဲ့သော ဘိလပ်ပြည်မှ အစ်ကိုတော် တစ်ယောက်က သုံးသပ်သွားခဲ့ကြောင်း အမေရိကန်ရောက် မမကြိးမှလည်း သတင်းပေးပို့ခဲ့ပါသည်။

အကယ်ဒမီဆုများကို ပြန်ကြားရေးဝန်ကြီး ယမမင်းက
ဆီပူအိုးသင်္ကေတ ရွှေစင်ရုပ်တုလေးများကို ပေးခြင်းဖြင့် လည်းကောင်း။ ခွေးသားရေပိုက်နဲ့ သတင်းစုဆောင်းရေးဝန်ကြိး သိကြားမင်းမှာ မိုးကြိုးတံဆိပ် ၀ရဇိန်ရွှေစင် ရုပ်တုလေးများကို အသီးသီး ပေးအပ်ပြီးသည်နောက် အုတ်အုတ်ကျက်ကျက် ရုတ်ရုတ်သဲသဲဖြင့် အရသာ ပေါင်းစုံကို ပေးစွမ်းနိုင်သော လူမျိုး ဘာသာ မရွေး ကြည့်ရူနိုင်သော အကယ်ဒမီ ပေးပွဲကြီး အောင်မြင်စွာပြီးဆုံးကြောင်း ကြေငြာအပ်ပါသည်ရှင့်။

ဒီပို့စ်ကိုတော့ ဒဗလျူ ဒဗလျူဒေါ့ဖ် အမ်အမ်တီဗီဆလပ် ဖရီးလင့်ကို ကိုယ်တိုင်ရောက်ရှိနေတဲ့ ဘလော့ခ်ချစ်သူများရဲ့ မြို့မေတ္တာခံယူနေတဲ့ သတင်းထောက်မဆုမွန်က စီစဉ်တင်ဆက်တာဖြစ်ပါတယ်။

17 Comments:

purplemay said...

ဟိ....အကယ်ဒမီပွဲတော့ မကြည့်တော့ဘူး ....မမစုမွန်ပိုစ့်ပဲဖတ်သွားတယ်....း)

pretty said...

ကောင်းလိုက်တဲ့ အကယ်ဒမီအကြောင်းအရေးအသားကွာ ဖတ်နေရင်းရယ်ရမလို ငိုမရလို နဲ့ ဘာလုပ်ရမှန်းတောင်ဖြစ်သွားတယ် ဟိ ဟိ အကယ်ဒမီပွဲ ကြည့်နေထက်တောင်ကောင်းသေး...

မြတ်လေးငုံ said...

ညီမလေးရေ
ကောင်းလိုက်တဲ့ အကယ်ဒမီပွဲဘဲ
ညီမလေးဆုမွန် ရဲ့ အကယ်ဒမီပေးပွဲ
ကူးပြီး အမတင်လိုက်ပါမယ်လို့
အသိပေးအကြောင်းကြားလိုက်ပါတယ်ရှင်.။

moeswe-moeswe said...

အကယ်ထမီပေးပွဲက ဗန်းကိုင်လေးတွေကြည့်ရတာ မလျှောက်ချင် လျှောက်ချင် ကော့လန်လန်လေးတွေနဲ့ ဆင်မယဉ်သာလား ဆင်မဗိုက်ကြီးတာလားတော့ မသိဘူး မလှုပ်ချင်လှုပ်ချင် လျှောက်နေပုံများ လှုပ်ရော လှုပ်ရဲ့လားဟု မျက်တောင် မခတ်ကြည့်ရင်းနဲ့ ဒေါသအလိပ်လိပ်ထွက်လာပီးသကာလ
ကက်ဝေါ့ ကြောင်လျှောက်ပွဲများတွင်တော့ ပေါင်ရင်းလောက် မီနီစကတ်အတိုလေးများကို ဝတ်ဆင်ကာ မျက်တောင်မခတ် ကြည့်ရှုနေကြသော ဒိုင်လူကြီးများ ခေါင်းပေါ်မှ လွှားခနဲ လွှားခနဲ လမ်းလျှောက်သွားကြသော အနှီမမများနဲ့ နှိုင်းယှဉ်ကာ ဘယ်ကဲ့သို့ သဘောထားရမည် မသိသဖြင့် မကြည့်ချင်မြင်လျက်သား ဒေါမနဿ ပွားများနေမိတော့သည်....... ဒန့် တန် တန်

than htut said...

ကျေးဇူးပြု၍ အကယ်ဒမီပွဲလေးက တကယ့်ပွဲထက်ကောင်းလို့ ကူးယူခွင့်ပြုပါလို့ ကျနော် ဒေါင်းမာန်ဟုန်မှ ခွင့်တောင့်းပါတယ်

kiki said...

လုပ်လိုက်ကွ .. ချလိုက်ပြန် ပဟေ့ ..ဆုမွန် ရေ့  ..
ဒီပွဲက ပိုကောင်း နေပါရောလား ...

ဒါကြောင့် အတင်းထောက် ... အဲ့လေ .. သတင်းထောက် ကြီး ဖြစ်နေတာ ကိုးးး
ဒီည ဖေ့ဘွတ် မှာ ငြိမ်နေတယ် အောင်းမေ့တာ ..သူက တိုင်းပြည်တာဝန် များ ကို အသည်းအသန် ထမ်းဆောင်နေရ ရှာတာကိုး ..
ကောင်းတယ် ဗျိုး.. ကြိတ်ထား ..

Nge Naing said...

လူမှန်နေရာမှန် ရွေးတာ သိပ်တော်တယ်။ အကယ်ဓမီအတွက် အမြဲတမ်း အကဲဖြတ်ပုဂ္ဂိုလ် ဖြစ်သင့်ပါတယ်။

ရွှေရတုမှတ်တမ်း said...

သတင်းကြေငြာသူကိုလဲ အကယ်ဒမီပေးသင့်ပါကြောင်း.....

ဝက်ဝံလေး said...

ဟိ မိုက်တယ်နော် မြန်မာ့အကယ်ဒမီ ဟီးးးးးးးးး

ဝေလင်း said...

အကယ်ဒမီဆိုလို့ လာကြည့်တာ စဖတ်ဖတ်ချင်းတုန်းက
“အပြောင်မြောက်ဆုံး ဟာသသရုပ်ဆောင်ဆုနဲ့ လူကြမ်းဆုကို စာပေးတာတောင် မူနေဦးမည်နှင့် သံဃာသတ်သူများ ဇာတ်ကားဖြင့်” အဲဒီအထိ အဟုတ်ထင်နေတုန်း ဆက်ဖတ်တယ်..တမျိုးဖြစ်နေပါတယ်အောက်မေ့လို့ ပြန်ဖတ်၊ လားလား..အဲဒီကျမှပဲ ရီရတော့တယ်..တုံးလိုက်တဲ့ငါ့နှယ်နော်လို့ ကိုယ့်ကိုယ်ကို ပြောမိတော့တယ်။ သူ့ဇာတ်ရုပ်နဲ့ ရတဲ့ဆုတွေ လိုက်ဖက်ပါ့အစ်မရာ..တွေးတတ်ပါပေ့။

ကလူသစ် said...

သဘောကျကြောင်း :)

ဂျေဂျူဝိုင် said...

ဘာပဲပြောပြောပေါ့လေ။ ဘယ်သူ မဆို အကယ်ဒမီ ရရင်တော့ အနည်းဆုံးတော့ ၀မ်းသာကြမှာပါ။

ရွှန်းလဲ့ said...

မမဆုရယ်...အကယ်ဒမီဆိုလို့ ... ပီား ပီား... ဂွတ်ပို့စ်

နွေဆူးလင်္ကာ said...

ကောင်းလိုက်တဲ့ အကယ်ဒမီတွေ

mmfreethinker said...

ကျောင်းအစ်မ ပြောလည်း ပြောစရာပဲ။ သူများပေးလို့ လင့်ခ်ကို သွားကြည့်ပါတယ်။ စီဘောက်မှာ ဆဲနေချက်က တစ်စက္ကန့်ကို မက်ဆေ့ခ်ျပေါင်းများစွာပဲဗျာ ... ဆဲနေကြတာ ... အံ့ရောပဲ။

မြန်မာတွေ ဒီနေရာကျတော့ တယ်တက်ကြွတယ်ပဲ အောက်မေ့ပြီး ပိတ်ပစ်လိုက်တော့တယ်။

စကားမစပ် ခင်ဗျား သရော်စာရေးတတ်သွားပြီဗျ။ အဟား ...

ခြေလှမ်းသစ် said...

အကယ်ဒမီ ရသွားတဲ့ မျက်နှာတွေ ဘယ်လောက် တောင် ပျော်နေလဲ ဆိုတာ ပြေးတောင် ကြည့်လိုက်ချင် သေး .... တယ်လဲ အရွေးချယ် ကောင်းသကိုး ..

ချော (အစိမ်းရောင်လွင်ပြင်) said...

ကောင်းလိုက်တဲ့ အကယ်ဒမီသရော်စာလေး
ဒါလေးကိုလဲ comment မရေးဘဲကို မနေနိုင်လို့
ရေးသွားပြီ..
မျက်စိထဲမြင်ယောင်လာပြီး မပြုံးဘဲကို မနေနိုင်ဖြစ်ရပါတယ်..
စိတ်ညစ်နေရင် ဒီပိုစ့်လေးလာလာဖတ်မှထင်တယ်
ဒါမှ များများ ပြုံးဖြစ်မှာ
လင့်ခ်ယူသွားပြီ ညီမရေ..
တာ့တာ